Rusia- Presidente di Rusia, Vladimir Putin, a trese un projecto di ley pa amplia e prohibicion di propaganda LGBTQ na e pais. Si esaki wordo aproba, ta bay ta ilegal pa cualkier persona promove relacion nan entre dos persona di mesun sexo of duna publicamente orientacion homosexual of sugeri publicamente cu e ta algo “normal”.
E ley aki ya tabata existi pa evita cu informacion nan relaciona cu e comunidad LGBTQ ta yega na muchanan menor di edad pero mirando cu esaki a bira un topico mas popular a dicidi di amplia e ley pe conta tambe pa adultonan.
E ley aki ta bin cu condenanan di prizon pa cualkier persona cu promove relacion nan sexual no tradicional, manera pedofilia y homosexualidad of transgenero. Esaki ta conta pa informacion ariba internet, medionan di comunicacion, bukinan, informacion nan audiovisual, cinema y propagandanan. Pues ariba tur e formanan di comunicacion menciona, na Rusia lo bay ta castigabel pa promove LGBTQ y pedofilia.