Presidente di Parlamento, Mervin Wyatt-Ras, ta felicita e presidente nobo di Merca sr. Donald Trump. Wyatt-Ras a tuma nota cu e no tabata un eleccion facil pa e comunidad di Merca y cu nan no a spera tal resultado. Sin embargo segun Wyatt-Ras esey ta parti di un eleccion unda cu tur cos por ta posibel. E tabata un eleccion unda e cantidad di voto pa ambos candidato tabata hopi cerca di otro y unda cu te hasta prensa no a mira cierto posibel votadornan. Wyatt-Ras cu ta casa cu un Mericano tin un relacion hopi estrecho cu Merca y Mericanonan. E no ta spera di mira cambio den e relacion entre Aruba y Merca. Den e caso aki e relacion aki ta di hopi aña pasa y e relacion di Aruba cu Merca tambe ta estrecho pa loke ta trata turismo. Wyatt-Ras no ta mira cambionan den esaki tampoco. Wyatt-Ras tin hopi admiracion pa e trabou cu presidente Obama a haci specialmente mundialmente pa fortalece contacto cu otro paisnan y ta spera cu Trump lo por continua e trabou aki.