Presidente di Parlamento Mervin Wyatt-Ras den un conferencia di prensa a gradici tur esnan cu a haci posibel pa e trabounan den Parlamento por a sigui, manera Griffier y Personal di Parlamento, miembronan di Parlamento, tur instancianan y gobierno y prensa pa e cooperacion ricibi durante e temporada cu a pasa.
Wyatt-Ras ta trese padilanti cu durante e ultimo dianan a trata diferente ley pa haci e trabou di Parlamento uno efectivo, esta e.o. presupuesto di 2017, jaarrekening 2015 y presupuesto supletorio 2016. Asina nos por cumpli cu ley di comptabilidad y cu nos constitucion. Wyatt-Ras ta señala cu pa otro aña nos tin dos ley cu lo inicia e aña cu nan tratamento ta e ley di Functiehuis y esun di crèche. Alabes dia 5 lo tin e prome discurso di gobernador di Aruba den Parlamento y entre 10 -13 di Januari lo tin reunionnan di Interparlementair Overleg Koninkrijksrelaties y Tripartiet na Corsou. Pues aña a cera cu hopi reunion y aña lo habri cu hopi reunion. Wyatt-Ras ta trece padilanti cu kisas su energia halto ta cansa kisas parlamentarionan sinembargo mirando atras e por ta contento toch cu a logra pasa tur e leynan importante. Ademas di esaki e aña venidero lo ta un aña di eleccion unda cu lo mester trata diferente ley prome cu campaña cuminsa. Pa e paisnan den Reino por bisa nan tambe e situacion ta igual. Recien tabatin eleccion y cambio di gobierno na Corsou y St. Maarten y djis Hulanda y despues Aruba. Wyatt-Ras ta contento si cu e cooperacion te awor ricibi.