Diabierna presidente di parlamento a ricibi un manifiesto di Fundacion Hende muhe den dificultad.
E fundacion aki ta uno hopi serio pa e problematica aki. Parlamento a ricibi esaki y lo duna tur nan cooperacion y sosten. Sr. mr. Ady Thijsen, como miembro di parlamento di 2015 cu a forma parti di su fraccion ora cu a bay IPCO, a trata tambe cierto tratadonan cu tin cu wordo ratifica. Den e caso aki a pone cu por scoge e tratado di Istanbul. E tratado aki di Istanbul tin di haci cu loke ta trata cu mester defende e hende muhe y muchanan contra di violencia domestico.
Casualmente por wak cu nan a bin bek, cual a awo a touch bek e problematica aki. Awo ta pidi pa pone hopi atencion ariba dje. No solamente parlamento mester zorg pa e parti legislativo pero gobierno mester pone mas atencion na e problematica aki den su maneho. No solamente mester keda aki na Aruba, cu tur nan rason, den Reino Hulandes y pafo di Reino Hulandes.
presidente di Parlamento a elabora ariba IPKO (Inter -Parlamentaire Koninkrijks Overleg). Esaki ta un oportunidad grandi di con ta bay trata hunto e problematica aki. Fundacion Hende Muhe den Dificultad tin nan simposio na Alhambra Casino, pero mr. Ady Thijsen a priminti nan cu parlamento di Aruba lo bay duna nan e sosten cu nan merece. Y unda cu nan por contribui, den solucion di e problematica cu ta algo serio den comunidad.
Parlamento di Aruba tambe mester bin cu iniciativa, di e parti social, e parti di Salubridad Publico. Via e Vaste Commissie di Husticia, parlamento mester tuma un rol activo. Asina e parlamentarionan, cu ta prepara pa leynan cu mester bin y tambe hunto cu gobierno, yuda den e maneho den e sentido cu mester duna conseho y dun’e contenido.
E ta un cuestion di pone prioridad. Nos gobierno, e coalicion cu tin a pone sigur sigur central e parti central ta e ser humano. Si bisa cu e ser humano ta central, no mester bis’e so, tin cu haci’e tambe den hecho. Y di akinan ta bisa.
Parlamento awo mester pone prioridad. Y p’esey ta bon pa sigui e proceso di cerca pa mustra cu nan ta haci’e tambe, segun presidente di parlamento, mr. Ady Thijsen.