Presidente di Parlamento a acudi na celebracion di 60 aña di existencia di Casa Cuna. Wyatt-Ras kende pa 10 aña a duna servicio na Casa Cuna via di Gobierno como ortopedagogo a traha di cerca cu lidernan, diferente directora y instancia. Wyatt-Ras tabata conoci pa su trato individual di mucha y guia di famia. Pa esaki e tabatin un spelkamer unda pa medio di wega y pintura y arte por a comunica cu e muchanan cu problema y asina diagnostica y trata e muchanan. Ainda e tin contacto cu varios di e muchanan cu el a guia kendenan awor adulto tin yiu. Wyatt-Ras conoce lidernan cu mas cu 30 aña y tin mas cu 40 aña di experiencia cu e muchanan. Lidernan cu ta figuranan importante den bida di hopi di e muchanan. En bista cu e desaroyo di un mucha entre 0 pa 3 aña ta crucial, Wyatt-Ras semper a mira internado como un luga di permanencia corto pa un mucha. Guia intensivo di mayor of famianan di criansa ta imperativo. Aki lider, profesionalnan riba tereno social y hudicial ta di importancia mescos cu sicronisacion entre instancianan. Wyatt-Ras ta spera cu Casa Cuna por cumpli hopi aña mas di existencia pa garantisa proteccion, cuido y guia di muchanan di nos pais.