Dialuna a tuma luga un reunion den sala di Parlamento pa loke ta e tema di fondo di monumento pa cual esaki a bay completamente robes despues cu ningun fraccion den Parlamento a cumpli cu e reglanan manera mester ta segun Presidente di Parlamento, Mervin Wyatt-Ras.
A trata e fondo di monumento, manera menciona, unda cu lo drecha e edificio di Uncle Louis Store, cual riba su mes ta algo positivo. Gobierno a bin ta drecha diferente di e edificionan di antaño, unda cu esaki ta bin den Parlamento pa asina cu e miembronan por cuestiona esaki. Ora cu a habri e reunion a constata cu no tabata tin miembronan den Parlamento cu a inscribi pa asina nan por bay hiba palabra. E ora a bisa cu ta constata esaki y di parti di e miembronan, ningun miembro tampoco no a lanta cu e intencion pa hiba palabra y a base di esey a lesa e lista di orador. Despues a haya diferente miembro di Parlamento, manera estilo critica como si fuera cu ta Wyatt-Ras ta bay cera e reunion y kita nan tempo pa papia. Sinembargo ta responsabilidad di cada parlamentario cu ora bo ta eynan cu bo ta bay hiba palabra, ta den e reunion, b’a prepara bo mes, y inscribi pa por papia. Hasta un di nan a trece padilanti caminda cu nan ta wardando e fraccion di AVP pa asina nan inscribi pa nan tambe por haci esaki, cual ta normal, cu AVP ta cuminsa. E cosnan cu tin no tin presidencia di Parlamento. Wyatt-Ras a atende cu e dos fraccionnan pasobra ki mishi e dos fraccionnan aki no a inscribi. Fuera di esey cu durante cu e ta den presidencia, algun siman cu e ta presidi, ta cuminsa laat cu reunion. Si reunion tin cu cuminsa 10’or y mey, tin cu warda tur hende yega na nan santo pasenshi, pa asina por cuminsa.
Mester ta na tempo pa asina cuminsa. Despues atrobe sra. Wever-Croes kier bin tilda Wyatt-Ras cu e reunion ta ilegal, caminda cu el a cuminsa riba e tempo, cual no ta corecto tampoco. Segun reglamento di orden, tin mey ora, ora cu e ora ta fiha, tin mey ora pa habri e reunion dentro di e tempo ey, cual e tabata hopi na ora, y e no ta compronde. Si Wever-Croes lo no a prepara ta algo.
Wyatt-Ras ta haya cu tur miembro di Parlamento mester asumi su responsabilidad ora di hiba palabra.