Presidente di Parlamento, Mervin Wyatt-Ras, ta felicita nos pueblo y Cas Real cu 50 aniversario di Rey Willem Alexander. Nos pueblo sigur ta orguyoso di nos lazonan den Reino y cu Cas Real. Nos Rey semper a mustra apoyo pa desaroyo economico, social y cultural di nos pais. Tambe e tin aprecio pa esnan cu ta traha desinteresadamente pa nos comunidad. Su mahestad ta kere cu den un sociedad democratico niun hende no por logra su metanan sin asistencia di otro. Den e mesum sociedad libertad, igualdad y respet mutuo ta balornan cu cada ciudadano mester tene na halto. Wyatt-Ras ta felicita alabes tur voluntario cu a ricibi un condecoracion diamars dia 25 di April for di gobernador. Cada un di nan cu pa medio di nan esfuerso y dedicacion di añanan a yuda un cantidad di persona. Wyatt-Ras ta felicita alabes e hobennan, cu a gana premio/ trofeo di Felipito B. Tromp, entre nan tin 2 hoben cu desaroyo special. Ta di importancia segun Wyatt-Ras pa hobennan, sin distinccion algun por haya guia y sosten pa desaroya nan mes ariba diferente tereno, manera social, deportivo, cultural y den enseñansa. Mester pone man na obra pa logra mas inclusion den nos sociedad. Segun Wyatt-Ras palabranan ta poco pa gradici lider, educador y mayornan pa nan aporte na nos hubentud. Wyatt-Ras a pidi Gobernador pa transmiti palabranan di felicitacion nan Nos Rey, nos Reina Maxima, yiunan y famia real.