Presidente di Parlamento tabata presente na celebracion di e di 80 aniversario di departamento di Higiena di Departamento di Salubridad Publico.
Aki el a felicita e directora sra. Yvette, minister di Salubridad y diferente director di antes di e departamento. Alabes presidente a felicita e director nobo di e departamento, sr. Jerry Staring. Tabata dobel celebracion segun presidente di Parlamento, na cual ocasion tabatin varios stakeholders y trahadornan di diferente departamento presente. Wyatt-Ras kende tabata e presidente di e comision di Salubridad tin un bon contacto cu profesionalnan di e departamento di Salud y na varios ocasion por a conta cu nan sosten ora e mester a compila rapport of presentacionnan pa e comision cu e ta representa. Pa loke ta trata e departamento di Higiena por constata cu apesar di e medionan cu nan tin actualmente toch nan ta haciendo un trabou excelente pa por haci posibel cu restaurant y nos hendenan ta traha higienico. E ta un departamento cu mester mas sosten ainda pa por sigui mehora su funcionamento. Wyatt-Ras ta desea empleadonan y director hopi exito cu e trabounan den futuro y ta spera cu Parlamento por keda conta riba e sosten di e departamento di Salubridad pa haci su trabounan.