Presidente di Parlamento, drs.Mervin Wyatt-Ras: Toernooi deportivo den Reino tin cu continua

Presidente di Parlamento y tambe parlamentario Chris Dammers tabata presente durante e wega di inauguracion di e torneo di Reino den Joe Laveist Ballpark.
Den e siman cu a pasa hobennan di St Maarten, Corsou, Hulanda a encontra otro y e encuentronan deportivo aki a encera futbol, basketball y baseball.
E obhetivo principal di e torneo ta pa fortifica y uni e laso entre nos hobennan den Reino.
Ministerio di Husticia di Hulanda hunto cu VNO di Aruba y tambe Minister di Husticia di Aruba a organise. Diasabra na apertura oficial por a mira diferente dignitario entre otro Prins Pieter-Christiaan Michiel, Prins van Oranje-Nassau, Gobernador di Aruba Mr. Freddis Refunjol, Presidente di Parlamento Wyatt-Ras, Minister di Husticia di Aruba, mr. drs. Arthur Dowers, ministernan di Corsou y di St. Maarten, miembronan di Lotto. Por a presencia un bunita desfile di e teamnan den Reino. Wyatt-Ras ta di opinion cu pa medio di deporte nos por traha preventivo y door di deporte nos por trece hobennan di e diferente paisnnan mas cerca di otro y ohala pa medio di deporte paisnan den Reino por traha mas hunto riba otro tereno tambe

Comments

comments