Presidente di Parlamento ta trece padilanti cu e ley di CITGO a wordo aproba den reunion Publico di Parlamento diamars anochi. E reunion a inicia un dia anterior di 1:30 atardi te 10 or anochi. Presidente di Parlamento a dicidi di mantene Publico presente pa por sigui e reunion di cerca. Esaki pa rindi honor na democracia bibo.
Un cantidad di 19 miembro di parlamento a hiba palabra. Total a haci uzo di mas of menos 360 minuut den primera tanda cu ta encera mas o menos 18 minuut pa persona. Diamars a continua cu e reunion cu contesta di ministernan den primera tanda pa despues sigui cu e di dos tanda di e reunion. A reuni desde 11 or te cu mas of menos 11.15. esta mas of menos 11 ora. En total pues 20 ora ney di reunion. Tabatin 6 mocion y 4 amienda. Peculiar tabata cu durante reunion un miembro di oposicion y 2 miembro di e fraccion mayoritario so a bay wake documento ter inzage.
Na ningun momento oposicion, cu a bay keha tur caminda cu nan no por a haya documento, no a pidi ni punto di ordo pa pidi documento durante reunion. Wyatt-Ras ta satisfecho di por a cumpli door di amplia posibilidad di inzage despues di ora di trabou y hasta den weekend. Despues cu el a manda 2 carta pa pidi documento pa asina “kom tegemoet” na peticion di Parlamentarionan. Asina mes no tabata bon pa esnan di MEP y e Parlamentario independiente cu a bay critik’e sin argumento funda riba facebook, prensa y hasta gobernador.
E ley a keda aproba cu 19 voto na fabor y un voto en contra. Wyatt-Ras mes a haci tambe uzo di oportunidad pa stemmotivering pa asina mustra sosten na un ley asina importante pa nos pueblo cu lo trece pan ariba mesa di nos trahadornan y e ta spera cu trahadornan cu awor ta den exterior por bolbe bek Aruba. Ademas lo e trece un desaroyo socio-economico grandi pa nos pais y en especial pa e pueblo di pariba.