Presidente di Parlamento, drs. Mervin Wyatt-Ras, ta expresa palabra di elogio pa tur cu a coopera pa asina informa nos pueblo y haci preparacionnan necesario pa atende cu consecuencianan di e horcan Matthew. Mesora Comision di Calamidad, presidi pa Ministro Presidente, a cuminsa cu reunionnan y a informa nos pueblo. Tur instancia concerni a ser envolvi, boluntarionan tabata stand by y Rode Kruis manera semper tabata para cla. Un palabra di elogio pa Meteo y prensa cu tabata ey tur caminda pa informa nos hendenan y nos pueblo tambe cu a prepara su mes door di compra di comestibles y tur loke a ser indica pa tin den cas na momento di un horcan of ola tropical. Wyatt-Ras ta elogia tambe amigo y bisiñanan cu a take care di otro, tambe pa loke ta nos grandinan y esnan cu un handicap.
Wyatt-Ras ta expresa di ta agradecido na Todopoderoso pa spaar nos pais y cu awe nos por considera nos mes como bendiciona cu nos no a sinti mucho efecto di e horcan.
E ta constata cu den temponan asina dificil bo ta ripara cu nos pueblo ta uni y para hunto pa un yuda otro, sea politico, instancia, boluntarionan, amigo y bisiñanan. Por a nota alabes cu e biaha aki nos pais tabata bon prepara pa enfrenta cualkier situacion.