Presidente di Parlamento, drs. Mervin Wyatt-Ras a keda contento cu bishita di e delegacion di Corsou, presidi pa e presidente di Parlamento Sr. Gilmar Pisas hunto cu
Sr. Amerigo Thode (secretario di Presidente) y Sr. Gioke Maduro (Asistente Huridico di Griffie). Esaki en conexion cu celebracionnan rond di nos Himno y bandera. E delegacion di St. Maarten cu tambe a asisti a consisti di mr. Samuel, Rodolphe Emile, Richardson, Sr. Geerlings y Sr. Connor. Por a tuma nota cu nan a haci esfuerzo pa ta presente na tur e actividadnan rond di celebracionnan importante di nos pais. Presente tabata alabes e ministro Presidente di Corsou y gobernadornan tanto di Corsou como St. Maarten. Wyatt-Ras semper a kere den fortificacion di lasonan entre paisnan den Reino, entre otro pa medio di nos cultura y sigur ta spera cu nos por keda comparti cu otro den e temponan venidero. Durante ultimo tempo nos paisnan a bini hopi hunto en especial pa loke ta trata e geschillenregeling. Esaki pa disminui e deficit democratico den Reino. Un biaha mas presidente di Parlamento ta gradici coleganan parlamentario di e paisnan den Reino cu a compaña nos den celebracionnan. Tambe Tele Corsou cu a haci varios entrevista cu nos pueblo y parlamentarionan y transmiti nos mensahe pa nan pueblo.