Presidente di Parlamento, Mervin Wyatt-Ras, ta felicita e organisadornan cu e Green Conference. Aruba ta duna un exposure manera cu por ripara di hopi avanse cu tin. Por ehempel e ledlightsnan cu ta wordo poni, e panelnan solar, unda cu tambe a mustra un auto cu ta trahando riba dje. Ta algo cu tin cu cambia e mentalidad pa bay mas den direccion di Green. E refineria tambe tin un aspecto Green cun’e. Wyatt-Ras a pensa cu mester bay den direccion eynan. E plan di Aruba ta pa 2020 bira un pais cu ta full sostenibel riba energia renobabel. E ta un reto hopi grandi y esey siguramente ta bon pa pone cierto metanan den e direccion eynan. Mirando tur e hendenan hunto eynan, ta duna un energia hopi positivo unda cu hopi pais ta bezig cun’e. E discurso di sra. Maria Verhoeven tabata un eyeopener, unda cu e ta trece dilanti diferente pais cu ta haci pasonan unda cu e ta menciona nan tambe, y Aruba no mester wak atras, sino mira e futuro cu tin hopi perspectiva dilanti nos. Esaki lo baha tambe dado momento cierto gastonan. Prome tin cu inverti, pero e lo beneficia nos tambe y tambe lo proteha nos planeta. Ta e parti hopi importante di tur esakinan. Ta weita cu mas y mas hende ta bin na e conferencia. Esey ta un proceso cu semper a participa tambe como Parlamentario, unda cu e tabata, den ki signatura politico, semper tabata apoya esaki. Awor aki mester sigui cu esaki. Wyatt-Ras ta mira cu nos futuro generacion mester ta mas envolvi den full e pensamento aki. Hopi biaha nos hendenan grandi ya caba tin cierto pensamento. Tin biaha e ta moeilijk pa kita for di esey y esey sra. Verhoeven tambe a trece dilanti caminda cu e ta bisa cu tin cu tambe cambia e mentalidad. No solamente e parti cu ta bin cu algo, pero ta traha riba esey. Siguramente Aruba mester enfoca riba esey, envolvi nos hobennan, nos muchanan den tur locual cu ta trata Green y asina tambe nan por trece tambe na cas. Hopi biaha un mucha ora e maak mee un proyecto na scol, por ehempel di anda cu sushi, e ta bin cas y ta trece tambe na su mayornan. E ta stimula nan tambe. Esey tambe lo stimula. Den e caso aki e ta algo cu mester keda enfoca riba dje. Un palabra di pabien ta bay na e organisadornan y ta spera tambe cu por beneficia y cu tur hende por steun esaki pa un dado momento en berdad por yega asina leu cu door di nos accionnan, ta proteha nos planeta, segun Wyatt Ras.
E ta enfatisa cu ta hopi na principio di e conferencia. No a tende nada ainda di leynan cu mester pasa. Siguramente ley di medio ambiente, cual ta uno cu no a pas’e ainda den Parlamento. Ta spera cu esaki ta un ley pa proteha nos medio ambiente, esey ta siguramente cu tin mester. Pero si tin otro leynan, parlamento semper ta disponibel pa haci esaki. Durante e conferencia lo tende mas riba esaki.