Ta lamenta cu gobierno por medio di un propaganda paga ta saca comentario di un miembro di directiva di KvK completamente for di contexto basa riba un presentacion duna na gremionan varios luna pasa cu tabata falta informacion detaya di e acuerdonan cu ta bay wordo trata awe den Parlamento pa crea e percepcion eroneo cu KvK ta di acuerdo cu e forma con kier stoomwals e ley aki den Parlamento awe, segun presidente di KvK, Daphne Agius Cesareo-Lejuez, a splica.
E entrevista aki NO ta posicion oficial di KvK ni ta carga aprobacion di KvK, pero mas bien ta un opinion personal di e miembro di directiva cu a asisti un reunion unda un powerpoint presentation a wordo duna cu informacion limita.
KvK semper a pidi mas informacion, muy en especial acuerdonan firma y posibel riesgonan cu por core pa cuenta di Aruba y nos comunidad y te dia di awe nunca a haya informacion oficial.
KvK ta limita solamente na e conseho duna pa Raad van Advies cu ta e unico documento publicamente obtenibel.
Ta lamenta e falta di transparencia den e tratamento di ley/acuerdonan cu lo por tin consecuencianan devastador pa nos pais