E lider di Gambia Yahya Jammeh lo bandona e cargo di presidencia y bandona e pais. Asina esunnan envolvi den e negociacionnan a indica.
Mediadornan di West Africa a pasa oranan largo cu Jammeh, negociando su futuro y futuro di e pais.
E colonia di auto den cual presidentenan di Guinea y Mauritiania tabata, a bandona e residencia oficial, pero no ta sigur si nan a bandona e pais.
Jammeh a wordo derota den e eleccionnan di December y su sucesor Adama Barrow ya a wordo huramenta.
Un tweet, di cual ta sospecha di ta di e president nobo, a bisa di cu e presidente saliente Jammeh a bay di acuerdo pa bandona cargo y bay den exilio. Pero e tweet aki ya caba a wordo bora.
Segun indicacionnan, Jammeh a bay di acuerdo pa bandona e cargo pero e terminonan pa su salida ainda mester wordo finalisa.
Paisnan di West – Africa , incluyendo Senegal a manda su tropanan pa Gambia, menasando di uza forsa militar pa saca Jammeh for di mando.
Presidente nobo, Adama Barrow a wordo reconoci internacionalmente como presidente di Gambia, despues di e gana eleccion na December ultimo.