E palacio di Eliseo a informa riba un comunicado cu e presidente di Francia, Emmanuel Macron, a keda positivo pa coronavirus. E diagnostico a keda cla despues di un test di RTPCR realisa pa e cuminsamento di sintoma.
“Na acuerdo cu tur regla di sanidad vigente aplica pa tur hende, e presidente di e republica lo keda den aislacion pa 7 dia, e lo sigui su trabou y realisando su actividad di forma remota”, e comunicado tabata bisa.
Despues di e diagnostico di Macron, e presidente di gobierno di Spaña, Pedro Sanchez, a drenta den cuarentena te cu 24 di december, asina e informa e ministerio di relacion exterior di Spaña, pa motibo cu ambos lider a come hunto dialuna.