MANILA, Filipinas- Presidente di Filipinas, Rodrigo Duterte, a purba di splica su reciente declaracionnan provocativo udan cu el a bisa cu Dios tabata un “idioot”. El a splcia cu e ser superior den cual e ta kere tin “sentido comun”, según e portal ABS CBN. E rectificacion a bin mei mei di criticanan duro di parti di e comunidad catolico, cu a yama e lider Filipino, un loco.
Duterte, cu a crece como catolico, dialuna a declara durante un acto den e ciuda di Cagayán de Oro, zuid di e pais, cu su palabranan e no tabata referi su mes na su “mesun Dios”.
“Mi no a bisa cu mi Dios ta idioot. Boso Dios no ta mi Dios, pasobra boso DIos ta mas kens. Esun dimi tin hopi sentido comun”, el a manifesta.
E mandatario a agrega cu niun hende no tin e derecho pa oblig’e den kere den Dios ya cu esey ta depende di un decision individual. “Si mi eligi di no kere den niun ser divino, cual ta problema? Ta trata di e libertad di eleccion di cada un”, el a expresa.
Diadomingo ultimo, presidente di Filipina a yama Dios pa “estupido” bisando cu pe ta algo absurdo cu e Todopoderoso por a crea “algo perfecto” pa despues destrui esaki pa e pica original di e prome sernan humano, Adam y Eva.
Fuente: RT Actualidad