MANILA, Filipina- Un biaha mas, presidente Filipino, Rodrigo Duterte a ataca obisponan catolico un biaha mas. El a afirma cu ‘nan no ta sirbi pa nada’ y a anima e hendenan pa matanan, den un pais unda 85% di e poblacion ta di religion Catolico.
“Boso obisponan, matanan. E bastardonan ey no ta sirbi pa nada. Unico cos cu nan ta haci ta critica”, e presidente di Filipinas a bisa den un discurso na Manila, cual su transcripcion a wordo difundi diahuebs pa e oficina presidencial.
Despues, den otro acto, e presidente a señala Iglesia Catolico ta e institucion “mas hipocrita na mundo” y el a sigura cu 90% di su pastoornan ta gay.
E Conferencia di Obisponan Catolico di Filipina a rechasa di responde na e comentarionan di Duterte. “Nos no kier haci e situacion pio. Cualkier comentario lo haci e situacion pio”, Jerome Seciliano, e vocero di e conferencia episcopal, a indica den un comunicado.
Salvador Panelo, e vocero presidencial, diahuebs a defende e palabranan di Duterte no mester wordo tuma literalmente, sino cu el a “exagera” pa logra un “efecto mas dramatico” den su comentarionan. Dos siman pasa e mandatario a insulta obispo y pastoornan Catolico, cu kende e e presidente un guera verbal pa ya mas di un aña, bisando cu e Filipinonan no mester bay misa pa “paga e idiotanan”.
Algun dia prome, Duterte a acusa e obispo di Caloocan, Pablo Virgilio David, un di su criticonan principal, di horta e contribucionnan cu e fielnan tabata duna na e Bisdom, pa uzo personal, cu a contesta cu Duterte no sa kico e ta bisa ya cu e ta “malo”.
Na juni ultimo, Duterte a pone hopi di e fielnan rabia ora cu el a yama Dios “kens” y a haci bofon di algun di e dogmanan di catolicismo como e pica original y a yega na un “acuerdo di paz” den e tiramento di palabra, cual un biaha mas e presidente ta kibra e acuerdo aki.
E enfrentamento di Duterte cu Iglesia ta bay bek te februari 2017, ora cu e Conferencia di Obispoa critica e guera sangriento contra di droga y a acusa Duterte di ‘reino di teror’. E hefe di estado a responde yamando e obisponan pa ‘yiu di p***”.