ATENAS, Grecia – E Presidente di Eurogroep y minister demisionario, Jeroen Dijsselbloem, tabata un di e metanan di ocho cartabom cu a wordo intercepta na Atenas y desactiva.
Esaki ta loke medionan Griego a laga sa diamars.
Dijselbloem no kier a duna diamars merdia ningun comentario na Brussel. “NOs a scucha, pero mi no kier duna ningun detaye riba esaki,” segun su vocero. Polis Griego kier informa tur ocho recipiente riba e nombernan cu a bin padilanti. E remitente ainda ta desconoci.
Cartabomn a wordo dirigi segun fuentenan Griego na diferente politico y otro figuranan conoci, entre otro na Union Europeo y ECB. Tambe ex minister, profesor Gikas Hardouvelis a wordo nombra. Ken esun cu a manda e cartanan, ainda tin cu wordo investiga.
Mas tempran ministerio Aleman di Finansas y Fondo Monetario Internacional na Paris, a haya cartabom. Diahuebs un trahado di IMF a wordo herida door di a habri tal carta.
Fuente:De Telegraaf