AMSTERDAM, Hulanda- Presidente di Costa Rica, Luis Guillermo Solis, diaranson a declara cu Hulanda ta “un compañero natural na mundo”, y den declaracionnan duna na EFE, el a pone como ehempel e “inversion Hulandes di mas un miljard dollar di APM Terminal”, cu lo sirbi pa fortalece e waf di Limon”.
“Costa Rica y Hulanda tin un relacion di mas di 170 aña, e ta un relacion madura, di hopi confianza”, cual a permiti ambos pais desaroya “un cantidad importante di acuerdonan, no solamente di orden economico y comercial, sino tambe di orden politico”, Solis a declara.
Costa Rica, el a añadi, a firma un memorandum di entendimento cu e ciudad di Amsterdam “pa temanan di desaroyo portuario” y cu Rotterdam pasobra “e ta e entrada principal di nos productonan na Europa”.
E mandatario despues a reuni cu e Prome Minister demisionario di Hulanda, Mark Rutte, cu kende ela mustra un contacto special. Rutte a bisa cu e relacion entre ambos pais “no ta e principio di e fin, sino mas bien ta e final di e principio” y el a sigura cu Hulanda y Costa Rica lo sigui construi e caminda aki pa por traha hunto”.
Solis lo continua cu su gira na Hulanda cu un encuentro na Den Haag cu representantenan di Eerste y Tweede Kamer, Ankie Broekers-Knol, y vocero di Parlamento, Khadija Arib.
Despues, e lo tin un audiencia y un lunch cu e reynan di Hulanda, Willem- Alexander y Maxima y tambe e lo bishita e Corte Penal Internacional y Universidad di Amsterdam, una e lo tene un discurso riba cambionan climatico y desaroyo.
Fuente: El Diario