OSLO, Noruega – Presidente di Colombia, Juan Manuel Santos, a wordo galardona cu e premio Nobel di Paz.
E organisacion Noruego aki a destaca su esfuersonan pa hiba na su fin un guera civil cu a dura mas di cinco decada, “un guera cu a costa bida di por lo menos 220 mil Colombiano” y cu a causa seis miyon di desplasado.
E galardon mester wordo comprendi tambe, como un tributo na e hendenan di Colombia cu, apesar di e dificultadnan grandi y e abusonan “no a perde e speransa.” Tambe ta menciona na e partidonan politico cu a contribui na e consecucion di paz y di e victimanan.
E Comite di premionan Nobel a adverti cu e hecho cu un mayoria a vota contra di e acuerdo di paz “no ta nifica cu e proceso ta morto.” “E referendum no ta un voto contra paz,” e organisacion ta sigura.
“E resultado a genera un gran incertidumbre riba e futuro di Colombia. Tin un riesgo real c e proceso di paz lo paralisa y cu bin un biaha mas e guera civil, loke ta haci ainda mas importante pa tur parti, encabesa pa presidente Santos y e lider di guerilla di FARC, Rodrigo Londoño, mantene e respet riba e “alto al fuego,” e organisacion a recalca.
E esfuersonan di Santos, segun e Comite, a hiba na e acuerdo di paz, y ainda sabiendo cu e tabata controverti, e presidente Colombiano a dicidi somete na e voto di su compatriotanan.
E retonan grandi di Colombia
E comite a mustra di ta convenci cu Santos “a acerca di forma significativo pa un solucion pacifico na e sangriento conlicto” den su pais y cu a sinta e basenan pa e desarme verificabel di FARC y un “proceso historico di reconciliacion y hermanamento nacional.”
“Su esfuersonan pa promove paz a cumpli por tanto e criterionan y e spirito di boluntad di Alfred Nobel,” nan ta sigura. E premio, e hurado ta argumenta, ta trata di anima “tur esnan cu ta purba di logra paz, reconciliacion y husticia na Colombia.”
E Comite ta spera cu e premio di paz ta duna “Santos” e fortalesa pa logra e tarea demantante aki” di logra paz cu “den e proximo añanan e Colombiano ta recoge e frutonan di e proceso di paz y reconciliacion en marcha.” Solamente asina, Colombia “lo ta capas di afronta di forma efectivo e retonan grandi” cu e tin su dilanti, tal manera “pobresa, husticia social y crimennan relaciona cu e trafico di droga.”
E comite tambe ta destaca e dificultad di logra un ekilibrio entre reconciliacion nacional y husticia pa e victimanan y ta subraya cu no tin “respuestanan facil” riba esaki. Nobel di Paz, e unico cu no lo wordo otorga ni entrega na Stockholm, sino na Oslo, door di e deseo expreso di Alfred Nobel, ta conta e aña aki cu un cifra record di 376 candidato.
E otro parti di e proceso
E presidente di e Comite Nobel Noruego, Kaci Kullman Five, a señala den un rueda di prensa posterior na e anuncio cu Santos tabata e gran impulsor di e proceso di paz y kende a asumi e iniciativa.
“Tin hopi parti den e proceso, pero Santos tabata esun cu a tuma e prome y historico iniciativa. Tabata tin otro intentonan antes pa logra paz, pero el a bay todo por todo y cu un gran boluntad di logra un resultado, pesey nos a destak’e. Ademas, e ta e lider di e Gobierno di e pais,” nan a comenta.
Kullman Five a rechasa pa splica pakico no a inclui den e premio e otro parti den e conflico, e Forsanan Arma Revoluncionario (FARC) – personifica den su lider, Rodrigo Londoño, kende tambe a wordo nomina pa e Nobel.
“Nunca nos ta comenta nada riba esnan cu no gana e premio,” e presidente di e comite, a bisa, kende a limita na bisa, caminda cu e trabao di “Santos” tabata hopi duro. E presidente di e comite a rechasa di forma categorico cu e decision di otorga e Nobel na Santos por wordo interpreta como un falta di respet na e resultado di e referendum.
“Al contrario. Nos a mustra cu nos ta respeta e proceso democratico y e votacion di e pueblo Colombiano. Pero no a bisa no na paz, sino na un acuerdo specifico,” el a declara. Kullman Five a reslta cu e proceso di dialogo a wordo reanuda y cu “ta hopi importante pa impedi pa bolbe bin na un guera civil.”
E lider di e comite Nobel Noruego a confesa na e termino di su comparecencia cu ainda nan no a drenta den contacto cu Santos pa dun’e e noticia, pa loke e lo ta en breve. “Den un mundo moderno por ta peligroso duna aviso di e tipo aki di antemano.”
Fuente: 20 Minutos