Endy Croes a regresa desde San Francisco California unda el a bay atende un reunion di ehecutivonan di softball di WBSC cu representantenan di tur 5 continente. Aki tabata tin diferente debate riba un plan 2020 y alabes ta preparando pa weganan Olympico. Tambe a debati riba clasificatorionan e aña aki na Republica Dominicana, Womens World Championship Japon 2018, Pan Americano Peru 2019 y Weganan Olympico Tokyo 2020. Un exigencia profundo di Committee Olympico International (COI) ta e sistema di clasificasion pa weganan Olympico. COI ta exigi universalidad esta representación di tur continente pero alaves esnan di mas competitivo cual sigur ta un formula difícil pa por brinda como cu tin cierto continentenan ta mas duro cu otro y probablemente den cualkier clasificatorio kisas un continente por resalta cu mas pais den comparacion cu otro. Finalmente Endy Croes durante debate den su speech a trese un idea dilanti despues di un debate basta largo cual a cay hopi simpatico y elegante cerca ehecutivonan mundial. Director di Operaction di Softball USA Sr Graig Crest tambe a trese otro opcion y den diferente formula e dosnan aki a pasa pa final. Aruba aunke hopi chiquito den tamaño pero cu curason grandi ta logra aporta na e evento di mas grandi mundialmente. Hopi desaroyo nan nobo riba plataforma internacional unda pronto ASB lo cuminsa duna informacion y direccion al respecto esakinan. Softball den pleno desaroyo.