Diamars dia 15 di November a tuma luga e di 27 WTF General Assembly di World Taekwondo Federation. Tabata tin mas of menos 220 pais for di rond mundo invita pa atende cu tur e desaroyonan cu tin den Taekwondo y tur e cambionan cu ta na vigor awor y e cambionan cu lo bay tin na vigor desde dia 1 di Januari 2017.
Pa pais Aruba ta hopi importante pa atende na e reunion general di WTF y mester tin minimo 2 atleta pa participa na e campeonatonan mundial tambe pa asina tin e derecho di voto. E aña aki Aruba a cumpli cu esaki y tin dos atleta junior participando na e Campeonato Mundial na Burnaby, Canada.
Durante di e reunion a presenta tur regla nobo pa e peleanan y a splica cu mester tin mas accion den e peleanan. Tur esaki a wordo evalua despues di RIO 2016 unda cu tabata tin un reunion cu 30 coach Olimpico for di rond mundo y algun refereenan pa asina yega na tur e reglanan nobo cu ta bay na vigor entrante di dia 1 di Januari 2017. Ademas di tur locual cu a tuma lugar durante di e reunion di 6 ora largo a presenta e relato di RIO 2016 tambe, cu wowo ariba Hapon 2020.
Dr. Guaicaipuro Jimenez a papia cu varios presidente for di diferente pais rond mundo y tabata tin e honor di papia cu e Presidente di World Taekwondo Federation.