Dr. Guaicaipuro Jimenez a entrega Master Alberto Klaber su certificado di Kukkiwon oficial awe. Kukkiwon a reconoce e scol di Brazil Taekwondo Stichting cu awo ta registra na Kukkiwon Korea. Hunto cu e certificado Alberto Klabér a ricibi su token y badge. Alberto Klaber di Brazil Taekwondo Stichting ta autorisa pa pasa examen pa faha preto te cu 4 Dan di Taekwondo. Master Alberto Klaber ta train Taekwondo for di dia 1 di November 1985 y despues a sigui na Hulanda serca Mark van Keulen na SportSchool Nijhoff na Haarlem ora cu Alberto Klaber a bay studia. Alberto Klaber a sigui bou guia di Henk Meijer na Hulanda. Durante di tur e añanan Alberto Klaber a sigui cu Top Sport na Hulanda y a representa Hulanda pa varios aña y a logra su medaya di Brons na Dinamarca sigui cu medaya di brons na Valencia,Venezuela den e weganan Sur Americano y asina por sigui menciona. Asina Alberto Klaber a sigui cu su carera largo y sigur. Na aña 1994 Alberto Klaber a registra Savaneta Taekwondo Stichting cu awe ta Brazil Taekwondo Stichting y a forma atletanan manera, Stuart Smit, Aischal van der Linde, Willy Willems jr. y awe e tin su dos yiunan Jourde y Zahyon Klaber tras di otro cu ta sigui e pasonan di nan tata hunto cu nan coach oficial Henk Meijer. Alberto Klaber hunto cu Grand Master Chaco Cornelio a drenta Hall of Fame na aña 2013. Alberto Klaber a wordo reconoci pa Mundo Taekwondo pa ta e miho fotografo di mundo den Taekwondo. Esaki a wordo menciona tambe na Argentina door di varios referee y secretaria di Pan American Taekwondo Union “PATU”. Awe Brazil Taekwondo Stichting ta oficialmente registra na Korea como scol y tambe cu Alberto Klaber como instructor pa pasa examen pa faha preto te cu 4 Dan. ARTBO ta felicita Master Alberto Klaber.