President di Mexico, Enrique Peña Nieto diasabra a mantene un combersacion telefonico cu e presidente nobo di Merca, Donald Trump. El a felicita Trump y a expresa boluntad di Mexico pa traha riba un agenda cu ta beneficia ambos pais.
Presidente de Mexico a expresa e presidente Mericano su interes di mantene un dialogo habri, cual lo cuminsa dia 25 y 26 di Januari proximo, caminda e Secretarionan Mexicano Luis Videgaray, di Relacionnan Exterior, y Ildefonso Guajardo, di Economia lo biaha pa Merca.
E funcionarionan Mexicano lo mantenen reunionnan di nivel halto na Washington, cu integrantenan di e administracion nobo di Merca, sin menciona nomber.
Secretario di Prensa di White House, Sean Spicer a confirma cu Trump a papia cu Peña Nieto y a bisa cu e reunion entre e dos presidentenan lo tuma luga di 31 di Januari.
Trump y Peña Nieto a combersa riba un bishita tocante comercio, imigracion y siguridad, cual lo tuma luga dia 31. Spicer a indica cu Trump a papia tambe cu Prome Minister di Canada, Justin Trudeau.