Stichting Rancho kier anuncia na tur school na Aruba cu e lesmaterial di Zeilen op School a yega. “Nos tin tur cos awor pa inicia e proceso unda nos lo aserca diferente scol nan pa asina e bunita proyecto aki por wordo ehecuta. For di 2016 nos tin contacto cu Fundacion Patrimonio Maritimo di Boneiro di cual ta promoviendo e proyecto Zeilen op School den e islanan ABC.
Sr. Clifford Rosa ta bisa: “Di parti di fundacion Rancho nos ta contento di por traha hunto y ta partner den e proyecto aki cu ta enfoca riba e historia di e boto; Stromvogel. E boto aki a navega cu carga entre Aruba, Boneiro y Curaçao. Ta importante pa reparti e informacion aki cu school y interesado nan. Mirando cu fundacion Rancho ta trahando riba e proyecto di boto miniatura y e parti educativo unda ta educa hoben nan riba e tema: mundo maritimo di Rancho/Aruba. Den pasado a organisa un presentacion tocante e material educativo ZOPS hunto cu Sra. Xiomara Muller cu ta forma parti Fundacion Patrimonio Maritimo di Boneiro. Cual a splica con e material a wordo hinca den otro. Awor pa dia 28 di november nos ta organisa un anochi di informacion incluyendo un workshop unda lo splica stap voor stap con mester traha cu e material den klas. Ta nos intencion pa trece tur hende hundo dia 28 di november pa asina por duna mas educacion riba e mundo maritimo”.
Bo ta cordialmente invita pa e anochi di informacion dia 28 november 2017. Orario 6 or di atardi pa 8or di anochi na biblioteca Nacional Aruba. Zeilen op School ta consisti di un total di 6 les. 3 les den grupo 6 y 3 les den grupo 7.
E material ta skirbi na Hulandes y cada les ta 45 min. Pa mas informacion por tuma contacto via mail: [email protected]
.