Diabierna a tuma lugar un presentacion na trahadonan di GKMB, pa keda innova y pa tene e trahadonan up to date. Director di Gele Koorts en Muskieten Bestrijding (GKMB), Sr. Clayton Croes a splica.
Regularmente, tin diferente presentacionnan y ta adresa diferente topiconan, pa cual luna pasa a toca e topico di Salud Mental. Esaki ta importantisimo, y e ta taboe ainda na Aruba, nan ta haya dificil pa papia di e topiconan aki. Y GKMB, como instancia di Salud Publico, kier keda actual cu loke ta nan trabao directo. Trampanan innovativo cu ta wordo uza internacionalmente, y cu poco poco ta wordo uza na Aruba tambe sigur den sector Hotelero. Y otro innovacionnan moderno di taya mayor cu ta pasando mundialmente cu nan kier keda actual riba dje.Topiconan di desaroyo personal. P.e. Inspector cu ta yega un cas unda cu e mester por duna e informacion e corecto na e doñonan di cas. Y trece e informacion na e manera corecto, mester tin bon manera pa papia cu hende, mester ta approachable, splicanan con netchi bo cara ta feita, con netchi e cabey ta peña, cu e sapato ta netchi sin cu veter ta los. Como empleado di departamento di Gobierno, bo kier profila bo mes profesionalmente, y ta topiconan importante. Loke a trata ta trampanan y metodonan innovativo pa preveni sangura cu poco poco ta wak cu lo sigui desaroya pa sa kico ta come y bebe ariba esaki.
GKMB ta un instancia hopi conoci y stima hopi pa nan ciudadanonan, cu sa cu ora nan tey, cu unico cu nan por yuda ta pa preveni criadero, baha e molester di sangura y nan ta aprecia esaki. Sin laga afo sigur, cu no ta contento di wak GKMB, cu den pasado tabata tin problema cu criadero y tin posibilidad di haya un waarschuwing cu por wordo sigui pa un multa. Mester keda duna informacion, GKMB tey pa coopera. E deseo di pueblo ta tambe, esaki pa medio di yamadanan cu GKMB ta haya, ta pa GKMB bay controla na nan cas, sea nan tin molester di sangura, of criadero di sangura y GKMB ta yuda 100% y GKMB ta pidi 100% tambe pa brinda cooperacion tambe, ora cu tin mester, segun Sr. Clayton Croes, Director di Gele Koorts en Muskietenbestrijding.