Directie Natuur en Milieu cu presentacion di Wetlands/Saliña na St. Anna School
En conexion cu celebracion di dia 18 di maart, dia di nos himno y bandera, St. Anna school a invita DNM y Stimaruba pa haci presentacion. E presentacion a trata e topico di e importancia di e preservacion di e saliñanan Bubali Plas y Spaans Lagoen, e flora y fauna ta presente na e sitio y con nos por yuda pa tene e luganan aki bunita y limpi.
E muchanan tawata hopi interesa den e sorto di mata(nan) cu ta crece den Bubali Plas y Spaans Lagoen. Den e areanan aki tin entre otro Lisdode, Jantje Zwemt, Mangelnan, Taya y tambe yerbanan.
E muchanan a keda encanta di siña di nos bestianan cu ta bishita y crece na e sitio. Manera cantidad grandi di parhanan, yuwana, lagadishi, spiriti’cabrito (cabay awa), barbuletnan, pisca, cocolishi, cangrew asina por menciona cantidad.
Stimaruba a presenta fotonan di antes tuma na e sitio, un comparacion bunita pa mira. Bubali Plas por ehempel a crece increibelmente y muchanan ta asombra di su magnitud. Spaans Lagoen tin status di proteccion y ta bou maneho di Parke National Arikok caminda hende ta bay pa relaha y admira naturalesa y no ta luga pa haci desordo of haci deporte.
DNM su representante a haya oportunidad di papia di e trabou cu nan ta haci pa preservacion, conta di e bestianan y matanan cu ta protegi. Tambe a bolbe ripiti e importancia di e cuido di nos medio ambiente.
Den e foto por mira e muchanan di St. Anna School cu cara contento, otro hopi concentra ta scucha di Sra. Olinda Rasmijn di Stimaruba. DNM lo keda bishita nos scolnan cu mas informacion relaciona na nos recursonan natural.