Presentacion di Reglamento di Subsidio 2019

Diaranson awor 24 di October, Stichting Sportsubsidie Aruba lo duna un presentacion di e Reglamento di Subsidio 2019 na tur Federacion/organisacion Deportivo. E presentacion lo ta pa e Directiva Diario di cada Federacion/Organisacion. E orario lo ta di 7:30 p.m.– 9:30 p.m. na e oficina di Stichting Sportsubsidie Aruba situa den Avenida Milio Croes # 34 (Aruba Entertainment Center).
Ta di suma importancia pa e Directiva Diario atende e encuentro aki ya cu ta repasa e Reglamento di Subsidio 2019 y alabes un bon oportunidad pa haci pregunta y ricibi aclaracion, di e manera aki bo Federacion lo por haci e peticion pa subsidio pa 2019 mas eficiente.
SSA ta conta cu boso presencia sin falta diaranson 24 di October.

Comments

comments