Lo bay tin un actividad dia 7 di December, na Biblioteca Nacional na Playa, 7’or di anochi y porta ta habri 6’or y mey, caminda cu e buki “E negoshi di koffie na Aruba”, lo keda presenta. Tur hende ta cordialmente bon bini, entrada ta gratis y lo celebra bida y e dia aki, e buki lo ta na benta tambe. Benjamin Romero, periodista a indiga, investiga, haci research pa trece un tema cu ta uno masha conoci den decadanan di 50, 60 di siglo pasa. Segun Mirto Lacle, Romero lo duna un relato y lo hinca esaki den e relacion caminda cu awa ta separa nos for di Guajira of continente Sur Americano, en especial Colombia. Pesey e anochi aki tambe lo dedica un parti como homenahe na mayornan di sr. Benjamin Romero, kende a biba na Aruba. A regresa Colombia, aunke el a nace aki y e lo bay brinda e buki segun investigacionnan cu el a haci. Sa di e relacion cu Aruba tin cu Colombia, cu comercio ta di siglonan y ta pesey ta bay hinca e anochi aki den un cuadro Colombo Arubano of AruColombiano, caminda cu lo ofrece tambe parti di musica, baile, canto. Gloria Vega lo canta un potpouri. Tin como pareha di baile John Freddy Montoya y Anisha Orman. Tin un hoben dinamico pa trece musica cu acordion. E pareha di musico lo trece esaki. Ta un espectaculo y brinda bida. Tambe lo para un rato keto na nada menos cu un protagonista cu den pasado, 10 aña pasa a trece Gabriel Garcia Marquez, na momento cu el a cumpli 80 aña. Y e biaha aki ta para un rato keto, cu e lo cumpli 90 aña na Maart 2017 y ta anticipa un recorido pa loke el a nifica pa Aruba.
Garcia Marquez ta menciona Aruba den su buki di 1981, den e parti e ta menciona den e buki “Cronica de una muerte Anunciada” y tambe lo para keto na otro figura Colombiano Arubiano, cu despues a bay laga nos, ta nada menos cu Ernesto Rosenstandt, kende a bishita scol na Aracataca y un di su rumannan casi den klas cu Gabriel Garcia Marquez na Montesori.