Sra. Astrid Britten durante e conferencia a splica un tiki riba e diferente cos cu lo tene cuenta cun’e e aña aki den e festival di buki cual e aña aki ta di 25 edicion.
E apertura lo tuma luga diabierna dia 3 di November, patras di edificio di Bibilioteca Nacional. E bishita na e scolnan lo tuma luga den e siman di 6 pa 10 di November. E preparacionnan a cuminsa caba, y ta importante pa tin un conferencia di prensa.
E persona cu ta coordina e festival di buki pa mucha, Josmar Sneek lo elabora ariba e tema di e aña aki, ken a scirbi e buki, ken a ilustra e buki y ken a traduci e buki na papiamento. Den background por a ripara un portada, cual lo ta e portada di e buki cu lo bay sali loke nan ta yama e Buki di Hubilo. A compila informacion for di aña 1993 te cu 2016, tabata tin tur e autornan cu a participa y a saca un edicion special, cual ta extra e aña aki. Cual ta duna e aña aki, e toke special ya cu ta 25 aña di festival di buki pa mucha.
Tur aña e festival aki ta sigui crece y e luga probablemente lo keda chikito y ta wak e necesidad pa un ampliacion pa acapara mas hende. E luga patras di Bibilioteca, kisas lo mester wordo cera y haci esaki mas sigur pa e muchanan. E lo no ta un plan completo kisas, pero si wak e miho manera pa realisa esaki.
Tambe a hiba palabra, Sra. Josmar Maduro- Sneek, bibliotecaria na Biblioteca Nacional y coordinadora di Festival di Buki 2017. E buki cu a keda presenta ta e regalo di siman di Buki. E ta un regalo di Biblioteca pa comunidad specialmente pa muchanan. Pa cada compra di un buki di minimo 25 florin, durante apertura pero tambe durante e librerianan participante, despues.
E titulo di e buki e aña aki ta “Het spannendste boek van de wereld” y e ta scirbi pa Sjoerd Kuiper, un autor bastante conoci y ta un honor pa tin’e durante e festival di buki di mucha. E buki ta na Hulandes y Papiamento, e titulo di e buki na Papiamento ta e “Buki mas excitante di Mundo”. E apertura lo tuma luga dia 3 di November, pero e ora ey durante e apertura lo bay hay’e pa bo mes, como regalo. E buki ta wordo imprimi na Hulanda, y lo yega na Augustus. Scolnan lo hay’e prome y e pueblo lo hay’e durante e siman di apertura.
E aña aki ta 25 aña di Festival di Buki y lo bay tin mas show e aña aki. No por divulga mas p’aworaki, ya cu nan kier tin algo special, un show cu efectonan hopi special, algo unico. Pero esey ora cu e dianan ta acercando, lo menciona esey. Por ultimo Sra. Maduro – Sneek a menciona cu e buki, E regalo di siman di buki, e ilustracionnan ta na encargo di Sr. Stan Kuiperi y esun cu a traduci e buki ta Sra. Evelyne Ruiz- Croes.