Nos ta na porta di fin di aña 2018. Ta tempo pa inventarisa nos obranan di e tempo tras di lomba. Lo ta bon pa tur hogar para keto pa wak di destancia pa mira tur bondad cu nos a ricibi. Pa e aña 2019 cu ta drenta poco poco cu gracia di Dios lo ta miho. P’esey ta pone nos bida den man di Dios y cu fe y oracion continuo nos lo vence nos propositonan. Si algo ta otro nos ta sclama na Dios pa yudansa. Nos di berdad ta prepara pa e dianan di Pasco y fin di aña. Spiritualmente hopi fielnan ta prepara.
Haci bon obra:
1. Ya ta pensa pa bay e nuebe dianan di misa di Aurora, sacrifica nos soño y lanta tempran
2. Bishita un hende grandi kende nos a neglisha pa hopi tempo.
3. Si comision di parokia ta pidi cuminda pa esnan menos afortuna, haci donacion di cuminda. Otronan ta prepara pa e fin di aña na nan manera.
4. Pordona bo prohimo y haci un gesto di pidi despensa, loke ta masha bunita den famia.
5. Prepara comemento y invita un persona bandona.
6. Saluda un persona cu cariño, lo tin fiesta den bo curason y consenshi. Bisti bo cara cu un sonrisa, Biba den realidad di Pasco. Enberdad bo ta prefera y kier cu e tempo di prepara bo ta mas activo den oracion? Bo ta cansa di mira tanto cos blink cu no tin nada di haber cu e fiesta di Nacemento? Ta comemento so y pronk? E oracion aki bou ta hiba bo den ambiente real. Puntra bo mes, pakico un mucha muhe hoben, kende yama Maria a pone su mes na servicio di Dios.
Cuminsa resa dia 30 di november (fiesta di San Andres, patrono di piscadonan), e oracion ta termina dia 24 di december bispo di Pasco. Resa e oracion aki 15 biaha pa dia, 5 bes mainta. 5 bes merdia y 5 bes atardi.