SCHIPHOL, Hulanda – Tweede Kamer kier tene mas pronto posibel un debate riba un nota cu tin posiblemente dos terorista cu a biaha pa Schiphol riba e dia di e atentadonan na Paris. “Dicho informacionnan ey ta crea hopi preocupacion den comunidad,” e politiconan ta haya.
E debate aw ordo pidi pa lider di PVV Geert Wilders. Wilders a papia riba su preocupacionnan riba e noticia cu e corant Frances Le Monde, a divulga. Su peticion riba e un debate a wordo sosteni pa henter Tweede Kamer.
Wilders kier entrega un carta caminda cu gobierno of AIVD, si nan ta na altura di e posibel yegada di e dos teroristanan. Tweede Kamer ta sostene e peticion di e lider di PVV.
Riba 13 di November, ora cu Paris a wordo tormenta pa e atentadonan, un Tunesino y un Sirio Sueco, a biaha pa Amsterdam. Durante un investigacion haci na Francia, un ticket di bus pa Amsterdam a wordo haya. E corant Frances, a divulga esey.
E dos posibel teroristanan ta forma parti di e grupo tras di e atentadonan na Paris y Brussel. Riba un laptop cu a wordo haya na Brussel, Schiphol ta wordo menciona den e mesun fila como tambe Stade de France y Bataclan, luganan caminda cu e atentadonan a tuma luga.
Ministerio Publico: Ningun hende deteni
Ki dia e debate hunto cu e minister responsabel Ard van der Steur (Siguridad y Husticia), ta, no ta cla.
Ministerio Publico a bisa cu ningun tipo di investigacion a wordo haci. Tampoco ningun hende no a wordo deteni.
Fuente: RTL Niews