CIENCIA
Si algo bay fout, e resultado lo por ta catastrofico
Esaki ta e alerta cu a keda lansa pa un grupo di cientificonan Mericano cu ta adverti cu gobierno di e pais aki ta financiando, cu placa di pueblo, algun “experimentonan peligroso”cu lo por desata un pandemia.
De hecho, e risico cu e investigacionan ta implica a resulta cu e lo a suspende cuater aña pasa, pero awo autoridadnan a bolbe duna lus berde pa esaki wordo desaroya.
Ta trata di algun estudio controvertido di laboratorio unda ta manipula e raiz di e virus mortal di e gripe aviar.
E peliger, segun e criticonan, ta cu e experimentonan aki lo por habri porta pa e virus aki, altamente contagioso, algun di cucal no a wordo transmiti den e ser humani, por contagia miles di persona.
“De hecho, e motibo di e experimento den haci e virus contagioso pa e ser humano”, segun Marc Lipstich a bisa na BBC Mundo, profesor di epidemiologia den e Scol di Salud Publico di e Harvard University y un di e criticonan di e estudionan aki.
“E tin poco balor cientifico, pero un risico inusualmento halto”, Lipsitch a bisa. “Realmente no sa pakico esaki ta wordo haci”.
Den kico e investigacionnan aki ta consisti, cual ta su obhetivo y pakico e ta asina polemico?
Un di e proyectonan den mira ta desaroya den e Universidad di Wisconsin, cu fondonan di e Instituto Nacional di Salud (NIH), e agencia publico di investigacionnan medico na Merca.
E experimento ta inclui, por ehempel, inyecta e virus H5N1, den un mamifero y wak si e virus ta wordo transmiti di un animal pa otro.
E virus ta resulta altamente mortal pa e ser humano, pero te cu awo no a raporta cu ta el a wordo transmiti di persona pa persona.
E obhetivo, segun e investigadonan, ta di siña mas riba con e virus ta wordo propaga, y asina preveni formanan di detene su propagacion den e mamiferonan.
E idea ta prepara e humanonan pa e tipo di virus.
“E unico manera di para e pandemia ta di tin un conocemento cientifico di con e virus ta wordo transmiti”, Rebecca Moritz, microbiologico experto den biosiguridad, a bisa na BBC. E ta supervisa e tipo di experimentonan den e Universidad di Wisconsin.