Comunidad di Aruba tin preocupacion grandi pa bay hospital pa bishita nan famia, mirando cu e desaroyonan negativo cu hospital ta pasando aden. Sr. Ezzard Cillie, director di Hospital ta splica ariba e desaroyonan aki.
Un biaha mas, Sr. Cillie ta pidi su disculpa pa locual a pasa. Ta berdad, cu su persona ta responsabel pa e cuido, hunto cun’e ta bay e edificio, cu e no tin responsabilidad ariba dje. Pero mester cuadra. Tin un instancia, e.o. SOGA, gobierno cu ta riba su persona continuamente y cu nan razon.
E lo mester duna cuido pero e ta sinti cu e tin asina hopi mala suerte cu cada biaha tin algo cu e edificio, cu tin impacto directo ariba e cuido. Ta hustamente e cuido ta loke e ta responsabel pe, cu e no por dun’e debidamente, debi na e incidentenan aki. E tambe tin cu para keto na e incidentenan aki, cu e no por duna cuido.
Pero berdad, e no ta na Hospital, hospital no ta ekipa tampoco, sino parcialmente pa tira bista ariba esey. Pero esunnan responsabel no ta hospital. Nan ta usuario cu ta purba yuda tira bista, sea pa duna gobierno critica ariba dje como usuario pero tambe kico nan por haci diferente. Pero na final di dia, no ta hospital ta determina, esey ta importante pa compronde.
Ademas, pa ley tambe aworaki Sr. Cillie ta responsabel pa e cuido pero no pa e edificio. Aworaki, sea Sr, Cillie ta traha contra ley, of ley ta traha contra su persona. Pasobra legalmente e ta responsabel pa e cuido cu ta wordo duna. Bolbiendo bek ariba e ultimo incinente, pasobra no ta uno, pero ta un serie nan ta. Ta for di maart 2017, te cu aworaki a conta 23 incidente. Cada un riba su mes tabata tin un impacto directo ariba e pashent. Ta 23 biaha e ta pidi disculpa, pero e pashent ta puntra ki dia e cos ta drecha. Si e tabata trempan, e lo tabata diferente, pero esey no ta e caso. Asina simpel e cosnan ta.
Sr. Cillie a sigui bisa cu berdad e minister ta preocupa su mes y disgusta cu e situacion. E.o. pasobra cu ainda su persona no a entrega kico ta e locual e impacto financiero tabata pa hospital, pa motibo di tur e incidentenan aki. Awo, trabao normal diario no ta traha claim pa cosnan cu a faya den hospital. Pero aworaki, e ta hay’e ta haci’e, pasobra cu un hende mester para responsabel pa e gastonan cu tin cu wordo cobra. Minister ta para coresponsabel ya cu ta cu placa di pueblo e cosnan ta wordo paga.
Por ultimo Sr. Cillie a bisa cu e no tin ni arte ni parte, pero e tin cu carga e responsabilidad. Y e tin cu cumpli cu minister tambe y e no ta cla ainda, pero el a priminti e minister cu e lo traha ariba dje, pa e hay’e. E minister kier tuma accion, pero e no por tuma accion si Sr. Cillie no ta cla cu e documentacion.