Dialuna atardi Záhyon y Jourdé Klabér a yega Aruba bek despues di un siman afo. Nan a biaha pa participa na e Junior World Championship cu a tuma lugar na Burnaby Canada dianan 16-20 di November.
Prensa di Aruba tabata altanto di e yegada di e team di Aruba cu a biaha pa Canada y a bay airport pa asina haña informacion for di e coach Henk Meijer kende a biaha for di Hulanda pa asina coach e muchanan na e campeonato mundial na Canada. Un interes grandi di parti di prensa cu ta siguiendo e desaroyo di Taekwondo for di cerca. Mirando e resultadonan cu a wordo logra e aña aki y tambe pa mira den cua direccion Aruba Taekwondo Bond ta bayendo cu su atletanan cu ta representa Aruba na campeonatonan di taya. Henk Meijer a duna di conoce cu nos tin trabounan pa haci, pero mirando e resultado ta mustra cu nos ta ariba e bon caminda. Lo mester inverti masha hopi mes si kier sigui logra medaya di taya den futuro.
Henk Meijer lo bolbe Aruba na 2017, depende di cua tempo e muchanan cu a clasifica pa Pan Americano mester bay afo pa participa y tin e plan pa Korea na 2017 tambe na unda cu lo bay cu un team Korea. A gradici ex campeon mundial Henk Meijer pa su cooperacion y tambe pa e amor cu e tin pa e Taekwondo di Aruba.