Prensa den un sociedad moderno

Nos ta biba den sociedadnan cu ta sigui crece. Paisnan cu ciudadanonan cu kier y ta busca mas informacion. Paisnan caminda ciudadanonan ta bira mas mondig y ta exspresa esaki sin timides. Enfin nos sociedadnan ta den movecion y ta aspira un futuro miho.
E sociedad moderno aki tin mester di un prensa fuerte. E rol di prensa den desaroyo di un sociedad moderno ta grandi. Nan mester informa comunidad, controla gobierno y instancianan, mester ta un portavoz pa pueblo y nan por usa nan influencia door di duna atencion na temanan cu ta forma opinion publico. Esaki no ta un tarea facil.
Corte Comun di Husticia di Aruba, Corsou, Sint Maarten y di Boneiro, Sint Eustatius y di Saba ta felicita prensa den e paisnan aki cu Dia di Prensa.
Nos ta yama boso danki pa boso aporte den nos sociedad y pa e bon colaboracion di añanan largo.

Comments

comments