E di XIII campeonato Internacional femenino di WBSC Suramericana ( CONSURSA) a termina cu un broche de oro. Un partido entre Venezuela y Brazil cu a bay 9 inning largo pa por a conoce un ganado pa e Medaya di ORO. Aruba Softball Bond y Comision Organisador ta masha contento con tur cos a cana te cu awor. Mesora despues cu e resultado ta conoci Comision Organisado hunto cu Antonio Morales presidente di ( CONSURSA) a subi tereno pa asino entrega tanto premionan individual como premionan di ekipo. Champion pitcher di campeonato a bay pa Michelle Floyd di Venezuela cu un record di 3-0, lansando 21 inning propinando 27 strike outs regalando 6 base por bola permitiendo 7 hit y 0 careda limpi bon pa un ERA di 0.00. Un actuacion riba un nivel sumamente halto. Esaki ta wordo escogi den e promer 2 rondanan y no ta inclui su actuacion den Playoff unda Michelle Floyd a lansa 3 partido mas pa un total di 23 inning ganando tur tres wega.
Michelle Floyd ta conkista tambe e premio di hungado mas valioso esta MVP cual premio ta wordo escogi den e wega final. Champion Batter a resulta Ana Sofia Bollea di Argentina kende a bati di 18-10 pa un averahe di 556 cu un total di 27 plate appearance.
Atleta tabata tin mester di minimo 23 plate appearance pa por competi pa dicho titulo. Ana Sofia Bollea a conecta 7 sencillo, 1 doblete, 2 triple cu 8 RBI mas 5 base por bola y ta anota 11 careda pa su ekipo. Miho outfielder di e campeonato Barbara Woll di Brazil un tremendo atleta por cierto kende a sali tambe na di dos luga como mihor batiado di campeonato 27-14 cu un averahe di 519.
Mihor infielder di campeonato Shakeena Croes di Aruba cu un tremendo guante alabes a posiciona su mes na di sexto lugar riba e tabla di miho batiadonan bateando di 31-14 pa un averahe di 452.
Mester menciona cu Nikkaela Jacobs a sali na di 5 luga bateando di 22-10 pa un averahe di 455. Pues Aruba tabata tin 2 hungador den e 8 miho batiadonan di henter Suramerica. Tanto Endy Croes, Estefano Croes y Antonio Morales a entrega dicho premionan. Venezuela Oro, Brazil Plata y Argentina Bronze. Finalisando Aruba por mira atras riba un gran campeonato y riba plataforma internacional Aruba su nomber a resalta como anfrition di dicho campeonato.