Recientemente na Hulanda, Minister Presidente a yega na un palabracion of acuerdo cu minister Plasterk caminda cu a haci diferente palabracion cu otro, relaciona cu e tema riba con e procedura a bay pa loke ta e nombracion di un gobernador nobo pa Aruba.
Aki ta sigui algun pregunta cu e parlamentario a haci na Gobierno.
1. Un di e palabracionnan ta cu lo intensiva e cooperacion riba “otro terenonan tambe.” Gobierno por splica y informa Parlamento di Aruba riba ua areanan esaki lo ta y pa cua ministerionan?
2. Ta usual cu e candidatonan cu Conseho di minister di Aruba ta propone pa bira Gobernador ta wordo treci den publicidad door di Gobierno y comenta riba nan door di Gobierno durante e proceso cu ainda ta andando?
3. Den un entrevista cu Prome Minister sr. Eman cu yama “Crisis is afgewend” minister ta bisa cu Gobierno no a acepta e decision di e nombracion di sr. Boekhoudt como nos Gobernador nobo, pero a sucumbi pa e decision aki. Gobierno por splica kico esaki ta encera pa e relacion di trabao y respet cu mester tin entre nos gobernantenan pa nos Gobernador nobo entrante Januari 2017?
4. E nombracion y retiro di un Gobernador ta sosode door di e Rey como esun na cabes di Reino Hulandes. Pa loke ta e procedura pa Conseho di Minister di Reino den practica, Gobierno constantemente ta referi y discuti riba un areglo di aña 2001. Minister Presidente ta na altura si por tin un otro procedura of un procedura nobo den Conseho di Minister di Reino cu ta wordo uza?
5. Si acaso e contesta ta si, Minister Presidente por duna Parlamento di Aruba inzage den esaki y/of splica esaki?