Sinopsis:
Aña 2018 lo ta bay ta un aña di balentia, di riesgo, forsa y entusiasmo. Pero mas cu tur cos, aña 2018 lo bay ta un aña di logronan. Aries, bo lo siña cu fracaso no ta existi, pero den cada circumstancia tin un les pa siña di dje. Un experiencia nobo.
Amor
Aña 2018 lo realsa bo carisma personal y si bo tabata soltero (a) den 2017, lo bo ripara cu durante e prome trimester di aña bo paisahe afectivo lo cambia radicalmente. Sin embargo, durante e luna di Augustus y September lo tin e posibilidad di foutnan den apreciacion debi cu bo tin e tendencia di worry mas cu apariencia, cualnan ta engañoso. Aña 2018 lo ta un aña di deseonan di satisfaccion y di union sentimental, cu un contenido unico, capas di transcende y consolida su mes pa un periodo largo.
Salud
E prome trimester di aña ta bay ta ideal pa tratamentonan natural y di probecha e energia di Solo. Despues di e eclipse solar di Juli, lo bo mester vigila bo presion arterial ya cu bo tin e tendencia di rabia lihe pa situacionnan ariba cual bo no tin control. Relaja y disfruta mas di cada dia, poniendo bo salud na prome luga.
Trabao
E prome lunanan di aña lo ta mas druk na bo trabao. Bo lo mester di actua cu pasenshi y discrecion, pa bo no haya stress door di e tanto druk. Lo bo sintibo presiona, pero no tuma decisionnan pa loco cu lo por comprometebo, ni tampoco priminti algo cu bo no por cumpli cun’e na e momentonan ey. Despues di Juni y ora cu e di dos semester di 2018 cuminsa, lo bay tin movimentonan laboral hopi importante pa Aries cu ta buscando pa mehora nan condicionnan di trabao.
Finanzas
Den transcurso di e prome trimester di aña lo tin cosnan pendiente cu lo tin su solucion. Lo bo tende noticianan di un pago asocia cu un tereno of un compra cu ta pendiente, cual no a wordo realisa pa falta di placa. E ultimo trimester di 2018 lo trece cun’e e posibilidad di ingreso extra producto di un ganashi, competencia, rifa of algo asina. Placa lo no haci falta, Aries, pero ora cu bo tin algo extra, no malgast’e.