PPA y UPP a pasa pa siguiente ronda

PPA y UPP a  bira e di tres y cuatro partido di esnan chikito cu a logra haya suficiente firma pa participa den eleccion parlamentario di dia 25 di juni.

Tin 12 partido a mustra interes pa participa den eleccion Parlamentario. AVP, MEP, POR y RED no mester busca firma pasobra nan tin asiento den Parlamento. E otro ochonan cu ta sea partido nobo of cu no a logra asiento den e eleccion di 2017 mester busca 587 firma di sosten pa bay eleccion.

E prome cu a logra riba e prome dia tabata MAS di Marisol Lopez Tromp. E siguiente dia Raiz a cera su firmanan den oranan di merdia y mas atardi tabata Accion21 y anochi PPA, mientras cu UPP a logra awe.

E otronan cu falta firma ainda ta Partido Pueblo Prome (PP); CURPA y HTC. E partidonan aki tin 4 dia ainda pa cera 587 firma. Aunke gobierno su oficinanan ta cera diahuebs y diabierna, e MFA-nan y Dependance Censo lo ta habri pa esnan interesa pa pasa firma.

Entrega lista di candidato tabata diabierna 7 di mei, y e siguiente fase ta scogemento di e colornan cu cada partido lo tin riba e stembiljet y eleccion mes ta tuma luga dia 25 di juni. E aña’ki, banda di e urnan special, lo tin 70 urna electoral cu cada uno casi mil votado.

 

Comments

comments