Lider di partido PPA, Sra. Kar-Lie Ng a splica cu e den e dianan aki lo bay sinta traha plannan pa pone PPA back manera e tabata antes y reorganisa esaki den un forma diferente. Sra. Ng ta amplia mas ariba esaki.
Sra. Ng tambe a wordo ricibi door di S.E. Gobernador di Aruba, Sr. Alfonso Boekhoudt. E resultado pa PPA tabata un tiki fastioso, mirando cu no tabata tin un mensahe cla di parti di pueblo, di kico nan kier. Si di berdad pueblo kier un coalicion, esey no ta mucho cla mirando e resultado. Pa PPA esey lo nifica cu nan lo sigui. Nan partido tin 68 aña caba ta existi. Nan a pasa den e temponan bon, e temponan menos bon y esunnan malo. PPA lo keda hiba un oposicion fuera di Parlamento y den cuadro di esaki lo sigui informa pueblo kico ta pasando, di un manera mas positivo posibel. Y nan lo sigui observa con gobierno lo bay eherce su funcion.
Tocante e funcion di PPA cu UPP, ainda nan no a discuti esaki den e partijraad. Pero asina cu nan tin esaki, lo informa esaki debidamente. Segun Sra. Ng, tin hopi planes, pero ainda e partido no a bin hunto, y unabes esaki tuma luga, e ora lo por bay tuma decisionnan concreto.