Power Sports Aruba hunto cu Sportszone Aruba ta nombra Bolichera Thashaina Seraus como atleta Femenina di aña 2018

Den e ultimo programa di Power Sports Aruba conhuntamente cu Sports Zone Aruba na Power 101.7 FM hunto cu Greg Croes y Aldrick Alexander a nombra e atleta di aña 2018 kende a keda den man di e bolichera Elite di Aruba Thashaina Seraus cu e aña aki a pone un stempel den e deporte internacional.

Ainda nos por recorda na momento cu Thashaina ta conkista 1 medaya di Plata Duo y 1 medaya di Brons Individual pa Aruba den Weganan Sur Americano Cochabamba 2018. Despues den luna di Augustus Thashaina ta marca historia pa Aruba na momento cu e ta bolbe gana 1 medaya di Oro Individual y 2 medaya di Brons un den team y e otro den Masters durante e weganan (CAC) Centro Americano y del Caribe na Barranquilla 2018. Tambe den luna di Oktober cu a pasa durante di e torneo di PABCON Campeon de Campeones 2018 cu tuma lugar na Brazil un biaha mas Thashaina ta bolbe pone nomber di Aruba na halto na momento cu e ta conkista 2 medaya di Oro un den Individual y e otro den all events, 1 medaya di Plata den Duo y 1 medaya di Brons den Masters cual automaticamente ta haci Thashaina e mihor bolichera di e torneo di bowling di e continente di America na Rio de Janeiro, Brazil. Sigur nos por bisa cu e aña 2018 aki tabata un tremendo aña pa e bolichera Thashaina Seruas kende a sobresali y gana medaya den tur competencia internacional cu ela competi den dje. Pesey Power Sports Aruba y Sportszone Aruba no por laga e oportunidad pasa pa asina eligi Thashaina como atleta di aña 2018.

Nos kier a yama un danki special na Local Store, Al Performance Training Center, Tina’s Decoration, FAST Delivery Services y Jaymir Janga, Ritz-Carlton Spa y Eric Abdul, Pelican Adventures, Kristel Lyder, pa tur e regalonan y tambe na Power Wake Up Show Marlienne Lyder y Nen Flores, Power Speed cu Manuel Da Silva y e propetarionan di Power 101.7 FM. Masha pabien Thashaina y nos ta deseabo un bon aña 2019 cu hopi mas logro y exito na caminda.

Comments

comments