Den un Centro Deportivo Betico Croes yena cu fanaticada y ambiente Aruba Volleyball Association a conoce su Teamnan Campeon di Aruba su volleyball pa 2016-2017 den e clase Senioren. E Team di Damas POVA, bao liderasgo di Coach Irald Phelipa y Manager Jeanette Maduro, a ripiti nan titulo campeonil di aña pasa mientras cu e Team di Cabayero VENUM, bao liderasgo di Coach/Manager Errol Yrausquin pa prome biaha ta conkista e titulo campeonil di Aruba su volleyball den clase A.
E Team hoben di POVA a bataya fuerte contra YMCA y a logra gana e prome 2 setnan cu scorenan di 25-19 y 25-16. Den e di 3 set YMCA ta bons bek y ta gana e dos setnan siguiente cu e scorenan di 25-23 y 25-23. Den e set maximo POVA no a duda y a demostra cu nan ta e campeonnan y a gana e set cu score di 15-11.
Den e wega di cabayero VENUM a subi tereno cu un solo meta, cual ta pa bira campeon y kita e titulo di La Fama Spartans. E Team Campeon di VENUM a demostra esey tambe y a gana La Fama Spartans convenci cu e score di 3-0. Setnan tabata 25-20, 25-22 y 25-20.
Santa Cruz: Den un Centro Deportivo Betico Croes yena cu fanaticada y ambiente Aruba Volleyball Association a conoce su Teamnan Campeon di Aruba su volleyball pa 2016-2017 den e clase Senioren. E Team di Damas POVA, bao liderasgo di Coach Irald Phelipa y Manager Jeanette Maduro, a ripiti nan titulo campeonil di aña pasa mientras cu e Team di Cabayeros VENUM, bao liderasgo di Coach/Manager Errol Yrausquin pa prome biaha ta conkista e titulo campeonil di Aruba su volleyball den clase A.
E Teamnan subcampeon sigur a duna bon bataya na e dos ekiponan campeon cu a haci cu e weganan a keda te na ultimo interesante, cu suspenso, emocion y sin duda cu tremendo rally-nan di volleyball. YMCA, cu Coachnan Percy Phelipa y Frederik Paesch ta titula un biaha mas como Sub Campeon di Aruba den Damas clase A y La Fama Spartans, bao liderasgo di Coach Elmerlindo Robles de Medina mester a entrega nan titulo campeonil despues di 5 aña y nan a bira Sub Campeon di Aruba clase A.
Directiva di Aruba Volleyball Association ta gradici Lider di Campeonato Medelin Sapuana cu e Comision pa e Campeonato Nacional di Volleyball 2016 -2017, e Cuerpo di Referee y Scorers, tur e Organisacionnan di Volleyball, e Team, Atletanan, e fanaticada y tur persona cu a duna nan aporte y contribucion pa asina haci cu Aruba por a disfruta di un bon Campeonato Nacional di Volleyball.