SINGAPORE, Malaysia – E sterling pound a cay diamars despues cu un supuesto atake terorista a laga por lo menos 19 morto y 59 herido den un concierto den e ciudad Britanico y Euro ta mantene su ganashinan despues cu e canciyer Aleman, Angela Merkel, a bisa cu e moneda tabata “demasiado debil.”
E explosion, cu a sosode na final di un concierto di e cantante Mericano, Arianna Grande, a registra dos siman y mey prome cu eleccion cu ta wordo spera cu e prome Minister Britanico, Theresa May, gana cu facilidad.
E sterling pound a baha un 0,1 porciendo diamars na 1,299 dollar, extendiendo su perdida di dialuna di un 0,3 porciento. Frente e moneda Hapones, e pound lo a resta un 0,2 porciento na 144,40 yen, tras resta un 0,2 porciento e dia anterior.
Si confirma cu e explosion como un incidente terorista, esaki lo ta e pio atake di milicia na Gran Britania, desde cu cuater Musulman Britanico a causa morto di 52 persona den actonan coordina cu bom contra e sistema di transporte di London na Juli di 2005.
E impacto den otro areanan di e mercado tabata limita y e futuro di e referencial Britanico FTSI lo a gana un 0,1 porciento.
E referencial MSCI di accionnan Asiatico no Hapones, lo a suma un 0,2 porciento y opera cerca di su nivel mas halto desde Juni di 2015. Na Hapon, e indice Nikkei di e bolsa di Tokyo lo a cay un 0,1 porciento.
E indice dollar cu ta sigui e desempeño di e moneda Mericano contra un canasta di seis divisa importante, lo a debilita un 0,1 porciento na 96,916. Fronte e moneda Hapones, e dolor lo a cede levemente na 111,20 yen. E Euro lo a gana un 0,1 porciento na 1,1251 dollar.
Riba mercadonan di materia prima, e crudo Brent di London lo a baha un 0,3 porciento, na 53.68 dollar pa bari. E futuro di petroleo na Merca lo a avansa un 0,4 porciento, na 50.93 dollar pa bari.
Fuente: http://lta.reuters.com