Diabierna durante dia tabata circula potretnan di dos influencer cu tabata di bishita ariba nos isla. E furia a keda desata ora cu riba e potretnan e dos influencernan aki ta pose cu’ flamingo carga. E manera con nan tabata tin e flamingo carga, ta loke a causa un furia bou di e comunidad Arubano.
Manera ta Cistumber, hopi biaha e influencernan ta bishita Renaissance Island y ta saca potret cu e flamingonan. Te aki no tin nada malo.
Pero loke sigur a cay den masha mal tera ta e hecho cu e dos damanan aki a saca potret cu e flamingonan tur mal carga den nan brasa, pa despues publica esakinan ariba nan cuenta di Instagram. Esaki a desata e furia di e pueblo Arubano.
E tantisimo comentarionan negativo a haci cu e dos influencernan aki a dicidi di kita e potretnan.
Pero e daño tabata haci caba. Masha hopi hende a screenshot e potretnan aki. Comentarionan cu a keda publica online ta mustra cu hendenan ta puntra si no tin niun tipo di siguridad ariba Renaissance Island, mirando cu e dos influencernan aki por a yega asina leu di saca potret cu e flamingo, di e manera ey, sin cu niun hende por a interveni.
Renaissance Island mester busca manera di salvaguardia e siguridad di e flamingonan aki y sigura cu algo asina nunca mas lo sosode