En conexion cu e biahe di studiantenan pa exterior, Post Aruba N.V. e aña aki atrobe ta ofrece un tarifa special pa manda paki. E tarifa special aki ta pa e peso di minimo 2 kilo y maximo 20 kilo. Post Aruba ta anuncia cu pa manda paki cu e tarifa special pa Hulanda ta costa 35 florin pa 2 kilo y 7 florin pa cada kilo adicional, pa Merca e ta 29 florin pa 2 kilo y 10 florin pa cada kilo adicional, pa Corsou ta 15 florin pa 2 kilo y 5 florin pa cada kilo adicional, pa Colombia e ta 32 florin pa 2 kilo y 7 florin pa cada kilo adicional y pa Costa Rica e ta 27 florin pa 2 kilo y 6 florin pa cada kilo adicional. E tarifa special aki tin validez entre dia 8 di Augustus te cu 30 di augustus 2019. Por manda e pakinan na e oficinanan Oranjestad, Santa Cruz y San Nicolas.
Pa mas informacion riba servicionan di Post Aruba N.V., bishita e website www.postaruba.com of checknan paginanan riba Facebook, cu ta Post Aruba NV y Aruba Stamps.