PHILIPSBURG, St. Maarten – E evacuacion di turista y negoshantenan for di Sint Maarten, entre nan varios biahero Hulandes, lo a cuminsa. Esey ta segun fuentenan for di e isla na De Telegraaf.
Segun director di Holland House Beach Hotel, Paul Boetekees, su huespednan lo a wordo hiba den un bus pa e aeropuerto. “Rapides ta wordo pidi, pasobra awe nochi horcan Jose lo pasa, y posiblemente mesun devastador cu Irma. Nos a tende cu a pone varios “luchtbrug” disponibel na Puerto Rico, pa e Mericanonan y pa Corsou,” Boetekees a conta. Cu su 20 empleadonan, nan ta sconde den kelder.
E ministerio di Asuntonan Interior no kier confirma un hub. “Nos ta evacua temporalmente solamente hendenan pa rasonnan medico. Loke ta organisacionnan di biahe, nos no sa si nan mes ta organisa pa desaloha nan turistanan.”
Tereno militar
E problema, segun TUI cu e aeropuerto a bira un tereno militar. “Nos tin avionnan cla para den Caribe pa hiba nos clientenan na un luga sigur, pero no ta haya permiso pa por baha na Sint Maarten. Apesar di esey, nos ta haci un peticion na e Gobierno Hulandes,” segun e vocero.
Segun calculacion tin mas of menos un 100 Hulandes riba Sint Maarten. Segun TUI ya lo tin un avion di pasahero di e aerolinea Canades, Sunwing cu a yega Sint Maarten pa hiba ciudadanonan Canades. “Cu e compania eynan nos tambe ta traha cun’e.”
Segun Boetekees nan suministro a caba, casi no tin diesel pa generator, y ainda tin awa pa algun dia. “E siguridad riba caya, apesar di tur promesa, ta di yora. Tin poco militar y polis, compara cu e parti Franses. Nos mes mester cuida nos propio hotel cu cacho contra di e saqueadornan.”
Hulandesnan ta bay aeropuerto cu e speransa pa por bula bay. E aeropuerto, aunke cu el a ricibi daño despues di horcan Irma, e pista ta intacto y a wordo haci limpi. Avionnan mester por baha y subi si sin guia di toren di control.
Turistanan ta drenta den panico, pasobra e esfera den Philipsburg a bira mas sombrio y tin falta cronico na cuminda, bebida y alohamento. E binida di Jose ta haci cu cosnan ta bira mas angustioso.
“Mi famia ta eynan, cera den un villa sin ayudo, cuminda y comunicacion. Nan no tin idea kico pa haci. Nos ta yama tur dia na e ministerio, Cruz Cora y kustwacht, pero ningun hende por duna nos siguransa cu nan lo wordo salga,” Rashil Taus a bisa den un voz di auxilio na De Telegraaf.
Hopi turista ta keda cu e siman cu a pasa, cu e organisacionnan di biahe cu nan a yega Sint Maarten, “mientras cu tur hende sa cu dentor di paar di dia un horcan devastador lo a bay linea recta riba e isla. Esey ta hopi straño,” Dick Algra a bisa, kende ta purba di bay hunto cu su casa.
Segun TUI ta imposibel pa por pronostica durante e temporada di horcan, si e lo bira malo den Caribe. “Hopi biaha tin poco cos ta pasa. Na final di dia, semper ta facil pa tin critica, pero naturalesa ta una bes un “fact of life”, tambe durante vakantie,” e agencianan di biahe di ANVR, ta haya.
Fuente: www.telegraaf.nl