MOSCU, Rusia- E presidente Ruso, Vladímir Putin, a duna ordo na e gobierno pa studia e construccion di un brug pa uni Rusia y Noord- Korea. E dos paisnan aki ta comparti apenas 20 km di frontera terestre.
“E asunto a wordo aborda door di Putin den su reunion di siman pasa cu e lider Norcoreano Kim Jong-un”, segun Yuri Trutnev, enviado presidencial pa Lehano Oriente Ruso, a informa na e agencia di noticia Ruso, Tass.
Na final di e cumbra Ruso- Norcoreano, Putin a duna Trutnev ordo pa studia e proyecto di un brug riba e riu Tumen, e frontera natural entre ambos pais.
Na e momentonan aki, Rusia y Noord- Corea ta uni door di e Brug di Amistad, cu ta admiti solamente trein y cu a wordo uza pa Kim pa desplasa su mes pa e ciudad Ruso di Vladivostok pa e cumbre cu Putin.
Rusia ta pensando ariba otro proyectonan manera e construccion di un caminda di trein (spoorweg), un gasoducto, oleoducto y un red intercoreano, aunke cu tur esaki mester di e aprobacion di Corea del Sur.
E frontera, cu ta inclui mas di 20 km di un liña di riu y maritimo, ta esun mas chikito entre Rusia y cualkier otro pais.
Putin, cu a reuni pa prome biaha cu Kim, a apoya e postura di Pionyang na Vladivostok, pa cu Occidente dun’e garantia di siguridad pa e renuncia na su armamento nuclear.