Fuerza Aerea di Chile a declara awe Diaranson, cu mientras nan tabata haciendo trabaonan di buskeda, nan a logra haya restonan di spons ta flota den lama na alrededor di 30 KM sur di e posicion di e ultimo contacto cu e avion C-130 Hercules cu ta desapareci. E hayazgo aki a wordo haci pa un barco bao di bandera Chileño y a duna indicacion cu e lo por ta parti di restonan di spons di e tankinan interno di fuel di e avion. E avion C-130 Hercules di Fuerza Aerea di Chile. sali Dialuna for di Punta Arenas cu 38 persona abordo y tabatin destino Antartica pero den e trayecto di vuelo el a desaparece of por lo menos a perde full contacto cune. E area di buskeda di e avion a wordo amplia y den e operacion aki tin participacion di 13 avion, cuater di nan di Uruguay, Brazil, Argentina y Reino Uni. Fuera di esaki Merca a anuncia di lo duna apoyo den e buskeda aki. Fuera di e personal abordo, tabatin soldatnan, ingenieronan di un empresa y miembronan di e Universidad di Magallanes. Famianan di e 38 personanan desapareci a wordo traslada pa e base aerea di Punta Arenas den sur di Chile caminda nan lo ricibi tur informacion adicional di e buskeda.